الشاعر نصيب السكوري
ليش الوطن خالي من نزالي .. ليش الجار ما يقبل الجار
ليش المال تبقى به هلالي .. ليش القل يهزم في اميار
ليش الظلم كي تديره يوالي .. ليش الحق مو لاقي انصار
ليش الشيخ لباس الجبالي .. يحكي غير ما يحدد مسار
ليش الثلب فاتر في الليالي .. ليش الذوذ حيل مو عشار
ليش السوق واكس موش غالي .. تجلب غير ما يشرو تجار
ريت الضان جلمها الجالي .. و هلها ليش دفاعت اجار
يا نشاد فسرلي احوالي .. و انشد نين تعرف ويش صار
نرايف ليش نمشي للغوالي .. و نحكي غير ما نقلع جضار
ذيل الناس كي يلبس بدالي .. ليش يعاف فناس الحرار
هو لاصيت لاله حس مالي .. لاكن الارض تقلب في البذار
والاب يقول ربيتهم عيالي .. و ليش ضناه يقول هو اش دار
خذاني طيف جايبلي خيالي .. خباتث ليل و طيابة نهار
ملك الله يبقاله لعالي .. ضايق لبش و مقسم اشبار
كان النوم برياح القبالي .. توا ليش يسفن في غبار
يا حضار حالكم كيف حالي .. ولا غير دالني افكار
و اسباب القول من صاحب شكالي .. يدور غير في حسن الجوار
ليش المال تبقى به هلالي .. ليش القل يهزم في اميار
ليش الظلم كي تديره يوالي .. ليش الحق مو لاقي انصار
ليش الشيخ لباس الجبالي .. يحكي غير ما يحدد مسار
ليش الثلب فاتر في الليالي .. ليش الذوذ حيل مو عشار
ليش السوق واكس موش غالي .. تجلب غير ما يشرو تجار
ريت الضان جلمها الجالي .. و هلها ليش دفاعت اجار
يا نشاد فسرلي احوالي .. و انشد نين تعرف ويش صار
نرايف ليش نمشي للغوالي .. و نحكي غير ما نقلع جضار
ذيل الناس كي يلبس بدالي .. ليش يعاف فناس الحرار
هو لاصيت لاله حس مالي .. لاكن الارض تقلب في البذار
والاب يقول ربيتهم عيالي .. و ليش ضناه يقول هو اش دار
خذاني طيف جايبلي خيالي .. خباتث ليل و طيابة نهار
ملك الله يبقاله لعالي .. ضايق لبش و مقسم اشبار
كان النوم برياح القبالي .. توا ليش يسفن في غبار
يا حضار حالكم كيف حالي .. ولا غير دالني افكار
و اسباب القول من صاحب شكالي .. يدور غير في حسن الجوار
